Iloilo City–Disiplina kag passion sa trabaho ang nangin sikreto ni Mr. Rommel Flogen bilang maayo nga choreographer.

Suno sa iya, nagabunga sang maayo nga resulta ang iya pag-disiplina sa iya kaugalingon kag sa iya ginatudluan ilabe na sa rehearsal. Nagapati si Flogen nga kon palangga sang tawo ang iya obra, dedikaran niya ini sang maayo. Ginbuyagyag ni Flogen nga sa pihak sang iya mga kadalag-an, wala siya naga-untat sa pagtuon kag pag-eksperimento agud mas mapatahum kag ma-improve pa ang iya trabaho.

Makita man suno sa iya ang resulta sang iya pagpangabudlay sang nag-kampeon ang duha ka tribu nga iya gintudluan – ang Hubon Mangunguma sang San Lorenzo, Guimaras nga kampeon sa Kasadyahan Regional Cultural Competition kag Tribu Panayanon sang Iloilo City National High School nga champion sa Ati Tribes Competition sa 50th Dinagyang Festival.

Magluwas sa disiplina kag passion, wala man ginakalimtan ni Flogen ang iya himpit nga pagtuo kay Senior Sto Niño nga suno sa iya, daku nga factor sa iya padayon nga kadalag-an. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply