47-anyos nga amay, ginpreso matapos gintudlo nga nagpa-uyat sang iya kinatawo sa iya 12-anyos nga bata nga babaye

Iloilo City–Naghinulsol ang 47-anyos nga amay nga ginpreso matapos gintudlo nga nagpa-uyat sang iya kinatawo sa iya 12-anyos nga bata nga babaye.

Natabu ang insidente sang Enero 28 sang kaagahon sa isa ka distrito sa syudad. Nadakpan ang amay matapos nagpangayo sang bulig ang bata sa security guard malapit sa gina-obrahan sang iya amay sa diin sila nagtulog. Suno sa suspek, ginkuha niya ang iya bata sa iya utod kag gindala sa iya gina-obrahan sang Enero 27 agud kuntani nga ilagaw, hatagan sang kwarta kag baklan sang sapatos.

Gin-ako sang amay nga nag-inom-inom siya upod sa iya mga katrabaho kag wala siya nakahibalo sang natabu bangud hubog siya.

Preso ang amay samtang ginkustodiya sang DSWD ang bata. Bulagay ang suspek kag iya asawa. (AGB)