Motorisklo, na-aksidente sa Pavia; driver patay, asawa sini pilason
Pavia, Iloilo–Patay ang driver sang motorsiklo samtang pilason ang iya asawa sang naaksidente sila sa Barangay Cabugao Sur, Pavia kaina sang aga.
Ginkilala ang napatay kay Nelmar Tormon, 28-anyos sang Barangay Botong, Badiangan, nga gindeklarar dead-on-arrival sa Western Visayas Medical Center bangud sang pilas sa ulo. Padayon nga ginabulong sa amo man nga ospital ang asawa sang napatay nga si Maria Celina, 25-anyos.
Suno kay PO3 Junward Molino sang Pavia Police Station, nakasagaid sa center island ang motorsiklo gani natumba. Nakaigo sa poste sang traffic sign si Nelmar gani napilasan siya sa ulo samtang nagtabog ang iya asawa. (AGB)