Traffic lights sa R. Mapa-Donato Pison Road sa Tabucan, Mandurriao, wala nakapatawhay sang trapiko suno kay Councilor Joshua Alim

Iloilo City–Wala nakabulig sa pagtawhay sang trapiko ang traffic lights nga ginpahamtang sa R. Mapa-Donato Pison Road sa Tabucan, Mandurriao.

Ini ang madugay na natalupangdan ni Councilor Joshua Alim gani nagpamatuk siya sa resolution nga nagahatag sang authority kay Mayor Joe Espinosa nga batunon ang gin-donar nga traffic lights sang Adauge Commercial Corporation. Suno kay Alim, na-experyensyahan niya nga magutok ang amu nga lugar ilabe na kon peak hours.

Komporme man siya sa observation ni Councilor Plaridel Nava nga indi tanan nga intersection, butangan sang traffic lights.

Magluwas nga wala nakabulig sa pagtawhay sang trapiko, isa man sa mga rason nga nag-abstain si Nava amu nga wala suno sa iya nag-agi sa husto nga proseso kag pagtuon ang pagbutang sang traffic lights. (AGB)