Iloilo City — Ang ‘super blue blood moon’ amu ang tatlo ka lunar phenomena. Suno kay PAGASA weather observer nga si Lordnico Mendoza, ang celestial event masaksihan sa diin man nga parte sang pungsod ilabe na kon maayo ang panahon. Ginpaathag sini nga indi literal nga blue ang ‘blue moon’ kundi nagatumod sa second full moon sang Enero. Nagakatabu naman suno sa iya ang ‘supermoon’ kon yara sa 361 kilometers ang distansya sang bulan sa Earth kag 14% nga mas daku kag 30% nga mas masanag. Ang ‘blood moon’ nagakatabu sa tion sang lunar eclipse kon may reddish tint ang bulan nga yara sa Earth’s shadow.

Maga-umpisa ang lunar eclipse alas 6:49 karon sa sa gab-i kag magalawig tubtub alas 9:29 suno sa PAGASA. Masaksihan man ang event sa iban nga parte sang Asia, Middle East, Russia, Australia kag iban nga parte sang western North America. Ulihi nga nasaksihan ang ‘super blue blood moon’ 150 ka tuig na ang nakaligad. (JoMaque)

Read more https://newsinfo.inquirer.net/…/super-blue-blood-moon-to-gr…

https://www.nasa.gov/…/what-scientists-can-learn-about-the-…

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply