Hepe Sang Mandurriao Police Station, Natalana Magsumiter Sang Complaint Report Sa City Legal Office Sa Pagsulod Sang Menor De Edad Sa Bar Sa Smallville Complex Bisan Curfew Hours

District of Mandurriao – Masumiter si Chief Inspector Juvy Navales, hepe sang Mandurriao Police Station, sang complaint report sa City Legal Office angut sa pagsulod sang menor-de-edad sa MO2 Ice sa Smallville Complex bisan curfew hours na.

Natipon na ni Navales ang statement sang 17-anyos nga si alyas Allan kag iya iloy, statement sang ICER team nga nagresponder kag naghatag sang first-aide sa menor nga nalipong kag ang medical certificate nga ilakip sa report nga ipasa sa City Legal Office.

Depende na suno kay Navales sa syudad ang paghimo sang aksyon batuk sa establisemento kon mapamatud-an nga may kakulangan rason nga nakasulod ang menor-de-edad kag naserbihan sang ilimnon.

Base sa pagpangusisa ni Navales, ginpahayag ni Allan nga nakasulod siya sa MO2 Ice kag naka-inom antes siya nalipong.

(ATT)a