(UPDATE) IPPO Director Marlon Tayaba, mangayo sang detalyado nga report sa NBI 6 sa pagpick-up sa Janiuay sang babaye nga nadalahig sa P6.4 billion shabu smuggling

Iloilo–Maghingyo sang detalyado nga report ang Iloilo Police Provincial Office sa National Bureau of Investigation 6 angut sa pag-pick up kay Eireen Mae Tatad sa Janiuay sang Pebrero 2. Suno kay IPPO Director PSSUPT Marlon Tayaba, wala gid siya sang feedback kon diin sa Janiuay nakuha si Tatad nga isa sa mga personalidad nga involved sa pag-smuggle sang P6.4 billion nga shabu halin sa China sang May 2017.

Ginpahayag ni Tayaba nga wala gid sila tawgan sang team sang NBI central office para sa ila operation. Bisan ang territorial police suno sa iya ang wala man nakahibalo sa ginhimo sang NBI.

Bilang pagsunod sa protocol sang coordination, ginpabutyag ni Tayaba nga kuntani nag-agi man lang sa police station ang NBI team bilang kurtesiya.  Nagpamangkot man si Tayaba sa mga barangay officials sa Janiuay angut sa operation apang wala man sila sang nahibaluan. (AGB)