Iloilo City — Ginkakas kahapon ang peryahan kag mga kiosko sa guwa sang Jaro plaza bisan pa tubtub sa Pebrero 8 ang ila kontrata.   Suno kay Mr. Boboy Siguesa, tag-iya sang 5-star rides, nagmato-mato siya sa pag-dismantle sang iya peryahan bangud tapos na ang fiesta kag wala na sang rason nga magtiner pa sila. ginpahayag ni Siguesa nga bisan paano, nakaganansya man siya kag nabawi ang iya kapital. Nagpahibalo man siya kay Mayor Joe Espinosa kay sa Jaro ABC nga kakason niya ang iya peryahan agud nga makasaylo sa iban nga lugar.

Nagwangal naman ang pila ka manugbaligya nga wala sila napahibalo nga kakason ang ila mga kiosko.  Suno kay Berlyn Santos, manugbaligya sang RTWs, kuntani ginhatagan sila sang tion nga makapreparar kag makapanghimos.  Ginpahayag ni Berlyn nga wala gid siya nakabawi sa iya kapital.

 

Temprano pa nga nagpa-abiso ang Task Force ASIS sa mga manugbaligya sa guwa sang Jaro plaza nga kakason kag himuson ang ila mga kiosko pagkatapos sang Jaro fiesta.   suno kay task force ASIS head Engr. Bobby Dumanil, una niya nga ginpahibalo si Jaro ABC president Leo Lindero nga dapat manghimos na sa Pebrero 3 ang mga manugbaligya.  Ginpabulig ni Dumanil kahapon ang mga personnel sang task force agud madali nga matapos ang trabaho kag mahawanan ang guwa sang Jaro plaza.  Ginkumpirmar man ni Jaro ABC president Leo Lindero ang pahayag ni dumanil nga ginpahibalo ang mga manugbaligya antes ginkakas ang ila mga kiosko. Nagapati si Lindero nga nakabawi na sa kapital ang mga negosyante gani wala na sang rason nga magtiner pa sila sa guwa sang Jaro plaza pagkatapos sang fiesta. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply