Syudad kag Probinsya sang Iloilo, preparado na sa pag-host sang WVRAA Meet 2018

Iloilo — Preparado na ang syudad kag probinsya sang Iloilo sa paghost sang WVRAA halin Pebrero 17 tubtub Pebrero 23. Engrande ang opening ceremony suno kay Mr. Nick Valenzuela, Sports Coordinator sang Iloilo Schools Division, sa diin ipasundayag ang malapad nga bandera sang Pilipinas halin sa Sta. Barbara kag ma-perform man ang champion sa Dinagyang Festival. Magaserbi nga keynote speaker si Rene Herrera, Ilonggo athlete, gold medalist sa South East Asian Games kag isa sa bag-o gin-appoint nga coaches sang Philippine National Athletics Team. (JoMaque)