Presyo sang commercial rice sa Iloilo, nagmahal

Iloilo City–Nagmahal ang presyo sang commercial rice sa pagpangusisa sang Aksyon Radyo Iloilo sa Iloilo Terminal Market.

Suno sa mga nagabaligya sang bugas, dyutay na lang ang ila supply sang regular rice bangud mabakal. Halin sa 29 tubtob 32 pesos kada kilo sang una, nagahampang na sa 33 tubtob 36 pesos ang kada kilo sang regular rice subong.

May pagsaka man sa presyo sang premium rice nga halin sa 40 pesos kada kilo, mabakal na subong sa 43 tubtob 44 pesos. Wala naman sang adjustment sa presyo sang special rice.

Wala naman sang NFA rice nga nakita sa mga merkado. Una na nga ginpa-athag NFA Provincial Manager Erna Abello nga ginlimitahan nila ang supply sa merkado bangud prayoridad nila ang relief operations kag feeding programs sang gobyerno. (AGB)