(UPDATE) Pamilya sang Ilongga OFW nga nasapwan sa sulod freezer sa Kuwait, nangin emotional sa iya nadangatan
Sara, Iloilo–Nangin tuman ka emotional ang manghod ni Joanna Demafelis, ang Ilongga OFW nga nasapwan sa freezer sa Kuwait bangud sa nadangatan sang iya magulang.
Suno kay Joyce, antes naglakat ang iya magulang pa-Kuwait, nagpromisa sila nga indi sila anay mamana nga duha tubtob indi nila mahatag ang maayo nga pangabuhi sa ila ginikanan. Si Joanna ang nagpa-eskwela kay Joyce sa kurso sini nga criminology pero nag-untat man siya bangud wala na nakapadala sang kuwarta ang magulang.
Gusto kuntani ni Joanna nga siya ang maupod ni Joyce sa paggradwar sini pero indi na ini suno sa iya matuman. Handum man ni Joanna nga mapatapos ang ila balay.
Bisan wala na ang magulang, ginpahayag ni Joyce nga tumanon niya ang iya promisa nga tapuson ang iya pagtuon lakip na ang pagpa-obra sang ila balay.
Ginpahayag naman ni Criselda, isa pa ka utod ni Joanna nga wala gid nakamuno ang manghod nga mapintas ang amo sini. Wala man napunggan ni Criselda nga maghibi sa nadangtan sang iya manghod. (AGB)