Apat lakip ang menor-de-edad, nadakpan sa buy bust operation sa Molo

Iloilo City — Apat ang nadakpan lakip ang menor-de-edad sa buy bust operation sa Molo kagab-i.  Subject sang operasyon nga ginhimo sang Regional Drug Enforcement Unit ang mag-utod nga Mafet, 31-anyos, kag Rogie Pineda, 29-anyos sang Infante, Molo. Apang gindakup man sanday Asia Lim, 22-anyos, kag alyas Dan, 17-anyos.

21 ka sachets sang suspected shabu ang nakumpiskar sa mga nadakpan kag P20,000 ang gingamit nga buy bust money. Nanginwala si Rogie nga nagabaligya kag nagagamit siya sang illegal drugs. Naghilibiun naman si Lim samtang indi maghatag sang pahayag sanday Mafet kag alyas Dan.    Apang suno kay RDEU Head Kennith Bermejo, high value target level 1 si Rogie. (JoMaque)