Boracay Island, Aklan — Pabor ang kalabanan nga mga residente sa Boracay sa pahayag ni Presidente Rodrigo Duterte nga i-shutdown ang isla agud proteheran ang ikaayong lawas sang minilyon ka mga bisita kag pumuluyo. Suno kay Mr. Allan Palma, station manager sang yes FM-Boracay, ginapaabot na sang mga pumuluyo ang pahayag sang presidente bilang resulta sang pag-abuso kag paghatag sang daku nga importansya sa income sang negosyo sa baylo nga proteheran ang isla. Komporme ang mga residente sa pahayag ni Duterte bangud nagapakita lang ini sang pagdisiplina sa mga nagahigko sa Boracay. Ginakabig naman sang mga negosyante sa Boracay nga exaggerated ang impormasyon nga ginhatag ni Tourism Undersecretary Kat De Castro rason nga naakig ang presidente. Ginbasehan ni De Castro ang duha ka adlaw sini nga pagbisita kag pag-assess sa sitwasyon sang isla. Pila ka mga stakeholders ang nagwangal bangud wala man lang sang malawig kag consolidated nga investigation, inspection kag evaluation report antes naghatag sang impormasyon sa presidente. May yara man sang nagakahangawa nga makaapekto sa tourist arrivals sang isla ang pahayag sang presidente ilabe na kon ma-publish sa kalibutan ang report nga may environmental problem ang Boracay. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply