16 ka menor-de-edad, ginreject sa motels kag lodging houses sa syudad subong nga Valentine’s Day

Iloilo City–16 ka menor-de-edad ang wala nakasulod sa mga motels kag lodging houses kasunod sang saturation drive sang Task Force on Moral and Values Formation subong nga Valentine’s Day.

Base sa record sang task force as of 2:30 kaina sang hapon, sa 16 ka gin-reject, walo ang nagasakay sa taxi, apat ang nagasakay sa private car, duha ang naka-motorsiklo kag duha ka walk-in.

Una na nga ginpahayag ni Task Force Head Jorge Duron nga tuyo sang ila saturation drive nga makabulig agud mabuhinan ang teenage pregnancy sa syudad. Pareho nga sistema man ang ginpatuman sang Task Force sang nagligad nga tuig nga Valentine’s Day. (AGB)