Iloilo City — Na-aresto ang wanted person nga si Michael Jancilan, isa sa mga suspek sa pagpatay sa pulis nga taga-Iloilo sa Negros Occidental kag ginatudlo nga involved sa illegal drugs.   Ginserbihan sang Mandurriao police sa pagpanguna sang hepe nga si Chief Inspector Juvy Navales sang warrant of arrest sa kaso nga illegal possession of firearms si Jancilan sa bulaluhan sa San Rafael, Mandurriao pasado alas-5 kahapon sang hapon. Suno kay Navales, nakabaton na sila sang impormasyon nga nagakadto sa area si Jancilan gani ila nga ginbantayan kag nadakpan kahapon.

Ukayon pa ni Navales sa Lunes ang iban nga kaso ni Jancilan agud mahibaluan kon may ara pa nga warrant of arrest batuk sa iya.

Base sa record sang Aksyon Radyo, nakatrabaho si Jancilan nga car wash boy sa Melvin Taxi Company ni the late PDEA identified drug group leader Melvin Odicta. Isa siya sa suspek sa pagpatay kay SPO2 Rex Delos Reyes sang 2014 apang ginrelease sang 2016. Nakapalagyo man siya sa entrapment operation sang Iloilo Police Provincial Office kag Criminal Investigation and Detection Group sa Jelicuon, Cabatuan sang Setyembre, 2017. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply