Western Visayas – Mas mangin exciting ang Western Visayas Regional Athletics Association Meet nga gina-host sang Iloilo sa pagbalik sang Negros Occidental sa Region VI.

Nagalaum si Department of Education VI Assistant Director Victor De Gracia Jr nga madamo ang matan-aw sa lain-lain nga sports events nga magasugod sa Pebrero 18 kag magatakup sa Pebrero 23.

Wala naka-upod ang Negros Occidental sa WVRAA sang nagligad nga tuig bangud nangin kabahin ini sang gintukod nga Negros Island Region. Apang ginbungkag ni Presidente Rodrigo Duterte ang NIR gani balik na sa rehiyon ang Negros Occidental nga ginalauman makahatag sang dugang nga excitement sa mga hinampang.

Base sa record sang Regional Screening and Accreditation Committee sang WVRAA 2018, Iloilo ang may pinakadamo nga delegasyon nga nagalab-ut sa 682, ginasundan sang Aklan nga may 660, Negros Occidental nga may 643, Antique-582, Capiz-578 kag Guimaras nga may 544.

Amat-amat na nga nag-abot ang mga delegado sa ila tagsa ka billeting areas sugod kahapon.

(ATT)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply