(UPDATE) Iloilo Provincial Government, mahatag sang financial assistance sa pamilya ni Ilongga OFW Joanna Demafelis

Iloilo– Magahatag sang P100,000 nga financial assistance ang Iloilo Provincial Government sa pamilya sang Ilongga OFW nga nasapwan sa sulod sang freezer sa Kuwait.

Gin-confirmar ini ni Governor Arthur Defensor kasunod sa pag-abot sang bangkay ni Joanna Demafelis sa ila balay sa Sitio Cordero, Barangay Ferraris, Sara. Mapadulong buwas ang pamilya Demafelis sa opisina sang gobernador agud batunon ang amu nga financial assistance nagikan sa probinsya.

Naga-coordinate man sa provincial government ang presidential management staff para sa posible pag-abot ni Presidente Rodrigo Duterte subong nga semana agud magkadto sa hamyang ni Joanna. (AGB)