Iloilo City — Nangin mainit ang championship football match sa secondary boys  sa tunga sang Iloilo nga twice to beat kag Negros Occidental kahapon. Ini matapos napulihan ang referee sang mga players sang Negros Occidental.

Suno kay Ian Combate, coach sang Negros football team, may duha ka call si Referee Steve Supresencia, 38-anyos sang Federation International Football Association, nga wala niya nauyunan kag ginapatihan nga indi fair.  Nagbaisay ang duha kag gin-alegar ni Combate nga gin-head-butt siya sang referee. Nakita suno sa coach sang iya mga players ang natabu gani natabu ang kinagamo. Ginpahayag ni Combate nga duha ka players niya ang nakapatupa sa referee nga na-ospital kasunod sang natabu gani gin-untat ang hampang.

Nag-sorry si Combate kay Supresencia kag ginpahayag nga nadala lang siya sang iya balatyagon. Ang match committee na suno sa coach ang madesisyon kon ano ang masunod nga tikang. Pareho nga zero ang score sang natabu ang kinagamo sa 15th ukon 20th minute sang hampang suno kay Combate. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply