Iloilo City–Ginpasakaan sang kaso nga libel ni anay Health Secretary Janette Garin si former Health Secretary Paulyn Jean Ubial kag tatlo pa ka doktor angut sa dengvaxia controversy.

Nagpadulong si Garin sa Iloilo¬† Prosecutor’s Office kahapon agud magfile sang kaso batuk kanday Ubial, Dr. Anthony Leachon, Dr. Teodoro Herbosa kag Dr. Francisco Cruz. May duha pa gid suno kay Garin nga posible pasakaan man sini sang kaso.

Suno kay Garin, padayon ang pagmulay kag paghaboy sa iya sang wala sang kamatuoran nga mga pahayag bangud sa kontrobersya nga nadala sang anti-dengue vaccine nga Dengvaxia nga ginbakal sang siya pa ang DOH Secretary sang Aquino administration.

Makapila ka beses na nga ginabasol si Garin sa kamatayon sang pila ka kabataan nga nabakunahan sang Dengvaxia.

Garin has been repeatedly blamed for the deaths of several children immunized with anti-dengue vaccine Dengvaxia. Ginpanginwala man sini ang mga alegasyon nga nagnegosyar siya sa presyo sang dengue vaccines sa French drug maker nga Sanofi Pasteur.

Sang Nobyembre sang nagligad nga tuig, ginbuyagyag sang Sanofi nga posible makadala sang severe dengue symptoms ang Dengvaxia sa mga natublukan sini nga wala pa naka-agi dengue. Apang ginpabutyag sang kompaniya nga wala pa sang proof nga ang Dengvaxia ang rason sang mga kamatayon bangud sa dengue. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply