Carles, Iloilo — Isa ang patay kag isa ang pilason sa pagpangbuno sa Barangay Granada, Carles alas 8:45 sang Sabado sang gab-i.  Suno kay PO2 Alexis Bataga, imbestigador sang Carles Police Station, ginkilala ang mag-iloy nga biktima nga sanday Lilian Montes, 50 anyos kag bata sini nga si Dasel 24 anyos.

Napatay si Lilian bangud sang patal nga pilas sa dughan samtang padayon nga ginabulong sa Western Visayas Medical Center ang bata sini nga si Casel nga may pilas man sa dughan kag tiyan.

Gintudlo nga nagbuno si Crisanto Esconia, 36 anyos kag live-in partner ni Lilian.

Sa imbestigasyon sang Carles Police Station, naga-inom si Esconia upod ang iya stepson nga si Dasel sang gulpi lang nagbaisay.

Ginbuno ni Esconia ang iya manak pati na ang iya ka-live nga si Lilian nga tuyo nga magtambag sa inaway.

Nagpalagyo naman si Esconia paagi sa pagsakay sa motorized banca apang nadakpan sa Cadiz City, Negros Occidental.

Natalana dal-on sa Carles Municipal Police Station si Esconia halin sa Cadiz City kag pasakaan sang kaso nga homicide kag frustrated homicide. (JoMaque)

 

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply