Iloilo City–Nagapati si Overseas Workers Welfare Administration (OWWA) 6 Spokesperson Jack Arroyo nga nagserbi nga pressure sa Kuwaiti government ang ginpatuman nga total deployment ban sang Pilipinas agud mapangita kag madakup ang principal suspects sa brutal nga pagpatay kay Ilongga OFW Joanna Demafelis nga taga-Brgy. Ferraris, Sara.

Suno kay Arroyo, naghingyo ang Kuwaiti government nga indi pag-ipatuman ang deployment ban sang mga OFWs bangud tinguhaan nila nga masolbar ang kaso ni Demafelis. Apang ginpanindugan ni Presidente Rodrigo Duterte ang iya desisyon.

Ginpahayag ni Arroyo nga nagpangayo sang bulig sa international police  ang Kuwaiti Government agud mapangita ang mag-asawa nga employers ni Demafelis.

Una nga nadakpan si Nader Essam Assaf, Lebanese national, nga yara sa custody sang Lebanese authorities. Nadakpan man ang asawa nga si Mona Hassoun, Syrian national, kag yara sa custody sang mga otoridad sa Damascus, Syria.

Nag-request na ang Kuwaiti authorities nga ma-extradite ang mag-asawa agud atubangon ang kaso batuk sa ila sa Kuwait. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply