Amay ni Joanna Demafelis, indi interesado magpasaka sang kaso batuk sa recruiter nga si Agnes Tuballes
Sara, Iloilo–Kun si Crisanto Demafelis, amay ni Joanna Demafelis lang ang pasugtan, indi na siya magpasaka sang kaso batok kay Agnes Tuballes, ang gintudlo nga recruiter ni Joanna–ang OFW nga nasapwan sa freezer sa Kuwait.
Suno kay Crisanto, nagbulig kag nagpatigayon lang si Agnes sa iya bata agud makatrabaho ini sa Kuwait.
Indi man ini iban sa ila bangud ila man himata si Tuballes.
Masakit man ang nadangatan ni Joanna pero nabaton na ini sang pamilya suno kay Crisanto.
Sa pihak sini, ginpahayag ni Crisanto nga kun may matukiban nga may salabton si Tuballes base sa imbestigasyon sang mga otoridad, dapat sini nga atubangon.
Karon sa hapon natalana ang lubong ni Joanna. (JoMaque)