Iloilo City — May ginabasehan nga factors ang Bureau of Fire Protection sa pagtumod sa mga barangay sa syudad nga fire-prone areas.

Ini amu ang makitid nga dalan, ikit-ikit nga mga pamalay nga lunsay human sa light materials kag populated ang lugar nga mabudlay sudlon sang mga dalagko nga salakyan kon may emerhensya.

Suno kay City Fire Marshal Christopher Regencia, kalab-anan sa mga fire-prone areas ang may illegal electrical connection ukon jumper nga amu ang masami ginahalinan sang sunog.

Magluwas sa naga-jumper, ginahalinan man sang sunog ang electrical overloading.

Sa subong nga Fire Prevention Month, ginapahanumdom sang BFP ang mga pumuluyo ilabe na sa mga fire-prone barangays nga maghalong agud malikawan ang sunog.

Gin-ako ni Regencia nga mabudlay pasundon ang mga pumuluyo bangud kalabanan ang nagabalik gihapon sa pagtakod sang jumper bisan pa nga illegal.

Nagalaum si Regencia nga mahatagan sang mas mabug-at nga penalidad ang sin-o man madakpan nga illegal nga naga-tap sang koryente. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply