Bana, nagbitay -patay!
Barotac Viejo, Iloilo — Nasapwan nga nagabitay ang 32-anyos nga amay sa sulod sang kamalig sa Barotac Viejo kaina sang hapon.
Suno kay Chief Inspector Joven Arevalo, hepe sang Barotac Viejo Police Station, nagvideo call pa ang amay nga si alyas Cris sa iya asawa nga Overseas Filipino Worker ukon OFW sa Malaysia kag nagpamahog nga mahikog antes nasapwan sang iya utod nga nagabitay.
Gindala sa ospital si Cris apang napatay. Sa imbestigasyon sang pulis, may problema ang mag-asawa kag posible ini ang nagtulod sa bana sa paghikog.
Natalana magpauli sa pungsod ang OFW. Ang mag-asawa ang may duha ka tuig nga bata nga sa kustodiya subong sang iloy sang OFW. (JoMaque)