Iloilo City–Nagpanindugan si Councilor Ed Peñaredondo nga indi pagbayaran ang P64,000 niya billing sang Enero sa Panay Electric Company bangud nga kuwestyunable.

Suno sa konsehal, bisan gin-ako sang PECO nga nagsala sila sa reading, wala gihapon nila lubos nga napa-athag kon nga-a nagtimbuok ang iya balayran. Ginhambalan man siya sang PECO nga amat-amatan bayad ang bill.

Gin-athag sang konsehal nga masarangan man niya nga bayaran ang iya bill kon husto lang ang reading kag napa-athag sang ensakto sang PECO.

Masobra P8,000 lang ang ginbayad ni Peñaredondo sa iya electric bill sang Pebrero. Naghatag man siya sang P50,000 halin sa iya personal nga kuwarta para sa kawsa sang mga pumuluyo batuk sa indi maayo nga serbisyo sang PECO. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply