Sta. Barbara, Iloilo – Nagreklamo ang tatlo ka solterito nga miembro sang boy band nga ginpulihan sila kastigo sang ginabanta 20 ka mga menor kahapon sang hapon.

Suno kay Agar, 17-anyos kag isa sa mga biktima, una siya nga ginsumbag ni certain Anthony samtang nagabantay sang salakyan papauli kahapon sang udto.

Gin-updan si Agar sang iya iloy kag abyan nga si Ace, 17-anyos, sang nagkadto sa eskwelahan kahapon sang hapon para kuhaon ang kumpleto nga ngalan sang lalaki nga ginpahayag nagsumbag sa iya.

Nakibot ang mag-iloy sang hinali lang gintiklod ni Anthony si Agar samtang naga-istorya sila sa manunudlo.

Gindepensahan naman si Agar ni Ace tubtob nga nagsumbaganay sila ni Anthony.

Nagbulig pa gid tambag sa mga tagreklamo ang ginabanta 20 ka mga menor nga estudyante sa amo nga eskwelahan.

Ginbuligan naman kanday Agar kag Ace sang ila abyan nga si Angelo.

Nagtahaw ang tensyon sang ginsaway ang magtimbang nga kampo sang mga manunudlo.

Nabuklan sa ulo kag may pilas sa nagkalain lain nga bahin sang iya lawas si Angelo nga gindala sa West Visayas State University Medical Center.

Nagapati si Agar nga nasuya kag nahisa sa ila ang na-enkwentro nga grupo rason masami nila sila gina-bully. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply