Leganes, Iloilo — Nasapwan nga nagabitay ang 16-anyos nga solterito sa sulod sang iya kwarto pasado las syete subong nga gab-i.

Suno kay Senior Inspector Dadje De Lima, hepe sang Leganes Police Station, ginsaway si alyas Mark sang iya tiya nga indi pagdal-on sa ila balay sa Igbaras ang iya nobya antes ang insidente.

Duha tubtob tatlo ka adlaw na nga ginadala ni Mark ang iya nobya sa ila balay sa Igbaras suno kay De Lima.

Si Mark ang nagapuyo sa balay sang iya tiya sa Leganes bangud naga-eskwela sa lugar.

Wala sang pilas sa lawas si Mark magluwas sa pilas sa iya li-og tuga sang nylon.

Gindala sa ospital si Mark sa diin siya ginpronunsyar napatay.

Nagrequest na ang pulis sa pamilya ni Mark nga ipaidalum sa autopsy ang bangkay sang natungdan agud matul-id ang gintunaan sang iya kamatayon. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply