Iloilo City — Suportado sang Bureau of Jail Management and Penology VI ang hingyo sang BJMP Ungka sa City Council nga magpasar sang ordinansa agud mapasabat ang mga nagapalusot sang cellphone sa jail facility.

Suno kay Jail Supt Gilbert Peremne, spokesperson sang BJMP 6, may mga lugar na sa rehiyon pareho sang San Carlos City, Negros Occidental nga nagpasar sang ordinansa bilang bulig sa jail facility. Mas maayo suno kay Peremne nga may ordinansa kag may penalidad agud mangduha-duha ang mga dalaw sa pagpalusot sang cellphone.

Ang tikang nga mag-coordinate sa local government unit suno kay Peremne, ginduso sang regional office santu man sa direktiba sang ila national headquarters.

Nagpasalig naman si Jail Supt. Vicente Papelera, warden sang BJMP Ungka nga manabat ang mga personnel sa jail facility kon nagpabaya gani makalusot ang kontrabando pareho sang cellphone.

Suno kay Papelera, bisan wala pa ang ordinansa, makarekomendar sila sa BJMP nga i-relieve ang personnel nga mapamatud-an nagpabaya ukon wala sang ginhimo rason nga may makalusot nga kontrabando sa facilidad.

Una na gin-confirmar ni Papelera nga 17 ka cellphones na ang ila nakumpiskar sa una nga duha ka bulan sang tuig gani nagpangayo na sang bulig sa syudad agud masolbar ang problema.

(att)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply