Boracay, Island–Padayon ang pagdugok sang mga turista sa Boracay bisan pa natalana nga ipasira ang pila ka establisiemento sa isla.

Suno kay Lt. Commander Ramil Palabrica, station commander sang Coast Guard-Caticlan, sa subong nga Marso may pito na ka cruise ship karga ang mga turista ang nagdungka sa Caticlan Port kag nagpadulong sa Boracay.

Madamu pa gid ang nagapa-booking suno kay Palabrica bangud tourist season subong nga bulan tubtub sa Mayo.

Nagapanilag lang ang tagsa-tagsa suno sa iya apang kon madayon ang pagpasira sang pila ka establisiemento nga naglapas sa environmental laws, magahimo naman sang tikang ang local government unit sang Malay, Aklan agud indi maapektuhan ang industriya sang turismo. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply