Iloilo City — Nagsulat si Councilor Plaridel Nava sa Office of the Ombudsman kag naghingyo nga imbestigaran ang ginpahayag paggamit ni Lone District Congressman Jerry Treñas sang facilidad kag opisina sang gobierno bisan nga suspended siya sang 90 ka adlaw.

Gin-ayo man sang konsehal ang Ombudsman nga mag-file sang petition ukon motion sa Sandiganbayan 7th Division agud i-cite for contempt si Treñas bangud sa paglapas sa iya preventive suspension.

Sa paghangup ni Nava, gina-abusuhan ni Treñas ang mandu sang Sandiganbayan bangud sa pagpatawag sini sa mga barangay officials sa syudad agud istoryahan ang politika kag gamit pa nga venue ang opisina nga ginadumilian siya nga magpungko subong.

Nagalaum si Nava nga aksyonan sang Ombudsman ang iya hingyo. Mapadala man ini sang complaint sa ethics committee sang Kamara.

Ginpanghiwala naman ni Treñas nga ginlapas niya ang iya suspension bangud sa paggamit sang iya opisina.

Suno diri, sugod sang nag-epekto ang iya preventive suspension, wala man siya nakatambong sa session kag wala man sang ginpirmahan nga mga dokumento bilang kongresista. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply