Empleyado sang gobierno, ginreklamo nga tuyo maghikap sa estudyante nga lalaki sa Jaro
Iloilo City — Preso sa Jaro Police Station ang empleyado sang gobyerno matapos ginreklamo sang lalaki nga estudyante nga nagtuyo maghikap sa iya kinatawo.
Suno sa tagreklamo nga si alyas Joseph, 20-anyos, nagapangihi siya sa comfort room sa mall sa E. Lopez Street pasado las sais kagab-i sang hinali lang nagsulod kag nagpalapit sa iya ang ginreklamo nga si alyas Olly, 42-anyos.
Makapila ka beses suno kay Joseph nga gintulok ni Olly ang iya lawas samtang nagapangihi siya.
Nakibot si Joseph sang hinali lang ginhikap ni Olly ang iya kinatawo apang wala nalab-ot sa baylo ginhikap sang ginreklamo ang iya tiyan.
Ginpasakaan sang unjust vexation si Olly nga nagpamalibad nga maghatag sang statement.
Ginpabutyag sang mga co-workers ni Olly nga indi siya agi kag nanindugan nga pormal siya nga tawo. (JoMaque)