Iloilo City — Mapatawag liwat sang case conference si Iloilo Police Provincial Office Director Marlon Tayaba sa Lunes agud istoryahan ang update sa pagtiro kay Mr. Sam Aguilar nga STL operator sa probinsya sa Barangay Buyu-an, Tigbauan.

Matambung sa case conference ang Tigbauan police, intelligence units kag Criminal Investigation and Detection Group nga ginhatagan sang assignment agud magtipon sang mga ebidensya kag magpadalum imbestigar agud makilala kag mapasakaan sang kaso ang mga suspek.

Gin-confirmar ni Tayaba nga napa-enhance na ang CCTV footage sang riding-in-tandem nga ila nakuha nga posible amo ang mga suspek sa krimen. Ginbuyagyag man ni Tayaba nga tatlo sa lima ka bodyguards ni Aguilar ang nag-ako nga nakabalos sila palupok. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply