Iloilo City – Arestado ang duha ka lalaki nga ginpahayag nagkastigo sa pulis nga assigned sa Regional Personnel Holding and Accounting Unit ukon RPHAU sang Police Regional Office 6 sa guwa sang balay ilimnan sa City Proper kaina sang kaagahon.
 
Base sa initial nga report, nagtulukay lang sanday PO1 Paulo Moquerio, 32-anyos sang Magdalena Anini-y, Antique kag si Genie Sandoma antes natabu ang tinapungulay.
 
Suno kay Genie Sandoma, nagkuot sa iya bag ang pulis rason gin-unahan niya sumbag kag ginkuga tubtob nalipong.
 
Wala una nakahibalo si Sandoma nga pulis ang iya ginsumbag.
 
Nakapalagyo naman ang iban nga mga kaupod ni Sandoma dala ang service firearm sang pulis.
 
Samtang, na-aresto man ang kaupod ni Sandoma nga si Christian Cabunaga.
 
Ginpahayag nga lunsay naka-inum ang mga suspek kag pulis. Ginatinguhaan sang Aksyon Radyo Iloilo nga makuhaan sang paathag ang police. Nagpamalibad pa ini nga magpa-interview. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply