IPPO Headquarters, Sta. Barbara, Iloilo— Natalana magpakigkita sa chief investigator sang Iloilo Police Provincial Office ang anum ka kaupod sa van ni the late STL Iloilo province operator Sam Aguilar agud maghatag sang ila pahayag sa krimen.

Suno kay IPPO Director PSSUPT Marlon Tayaba, nagpasalig si Atty. John Leo Solinap, legal counsel sang pamilya Aguilar, nga ipresentar sa Huwebes ang anum ka sakay sang van nga ginabug-usan sang driver kag lima ka bodyguards.

Nagalaum si Tayaba nga masabat sang mga natungdan ang mga palamangkutanon angut sa kamatayon ni Aguilar.

Ginpahibalo man suno sa iya ni Atty. Solinap nga magakooperar ang mga himata ni Aguilar pagkatapos sang iya lubong.

Ginpabutyag ni Tayaba nga nahimo nga pito halin sa lima ang mga motibo sa krimen bangud sang wala nasabat nga mga pamangkot angut sa kamatayon sang biktima. Apang nagbalibad na si Tayaba nga isugid ang mga motibo bangud sa nagapadayon nga imbestigasyon. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply