San Jose, Antique–Duha patay sa ginpahayag robbery kag mauling incidents sa Royalty Tower Lounge sa Barangay 5, San Jose,  Antique mga alas 2:30 kaina sang kaagahon.

Suno kay PSI Marc Dado, hepe sang San Jose Police Station,  nagtawag si PO2 Dennis Corcolla nga nagapangayo sang police assistance bangud ginkastigo kag ginkawatan siya.

Nagresponder ang iban pa nga katapo sang San Jose police apang natabu ang shootout nga nagresulta sa kamatayon nanday Kenneth Henry Tabaranggao, 30 anyos sang Mandurriao apang temporaryo nga naga-istar sa Madrangca, San Jose, Antique kag Vidal Allado, 49 anyos sang Barangay Madrangca.

Arestado naman sanday John Allado kag Louis Allado nga lunsay residente sang Brgy. Balabag, Pavia kag Reynald Jordan sang Barangay Madrangca, San Jose.

Gina-establisar pa sang San Jose police kon paanu natabu ang ginpahayag robbery  kag pagpangastigo kag kun sin-o ang una nga nagpalupok. (AGB)

       

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply