(UPDATE) Bangkay sang mag-asawa nga napatay sa aksidente sa Mandurriao, ipa-autopsy

San Miguel, Iloilo–Ipa-autopsy ang bangkay sang mag-asawa nga napatay sa pagbunggu-anay sang ambulansiya kag SUV sa Hibao-an Norte, Mandurriao Marso 22 sang kaagahon.

Gin-confirmar ni Che-Che Arellano, hinablos sang mga biktima nga si Dr. Owen Libaquin ang maga-autopsy sa bangkay nanday Roselyn kag Ramon Sampani sang Barangay 15, San Miguel.

Suno kay Che-Che, napahibalo naman ang iya pakaisa sa abroad sa natabu sa iya ginikanan kag siya ang makadesisyon kon mapasaka man sang kaso batuk sa driver sang SUV nga si Gilbert Rey Saclauso, 39 anyos sang San Antonio, San Miguel.

Preso gihapon sa Mandurriao Police Station si Saclauso samtang padayon nga ginabulong sa ospital ang driver sang ambulansiya nga si Efrain De Guzman.

Pareho nga nagtabog ang SUV kag ambulansya sang nagbunggu-anay matapos nga nag-overtake ang SUV sa pick-up. Sakay sa ambulansya si Ramon nga mapa-dialysis kuntani upod ang iya asawa sang na-aksidente. (AGB)