Camp Delgado, Iloilo City–Wala sang pamahog nga nabaton ang Police Regional Office 6 halin sa Special Partisan Unit ukon SPARU sang New People’s Army sa Western Visayas.

Ini ang ginpahibalo ni PRO 6 spokesperson PSUPT Gilbert Gorero kasunod sang pahayag ni Philippine National Police Chief Director General Ronald Dela Rosa nga pagahanason sang mga retired police officers ang mga aktibo nga pulis batuk sa SPARU base sa mandu ni Presidente Rodrigo Duterte.

Suno kay Gorero, gina-abi-abi sang kapulisan ang tikang sang presidente kag sang PNP chief bangud daku nga bulig ang training agud maproteheran sang kapulisan ang ila kaugalingon batuk sa SPARU.

Bisan wala sang pamahog, dapat gihapon nga magpreparar ang kapulisan.

Ang SPARU amu ang hit squad sang NPA nga nagapamatay sa mga nagakontra sang revolutionary movement. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply