Driver sang closed van, patay sang naaksidente sa Jaro
Jaro, Iloilo City – Dead-on-arrival sa West Visayas State University Medical Center ang driver sang closed van nga na-aksidente sa Circumferential Road sa Brgy. Tacas, Jaro.
Ginkilala ang napatay kay Danilo Aragon, 31-anyos sang Brgy. Quintin Salas, Jaro, samtang ang kaupod sini nga padayon nga ginabulong sa ospital amo si Bayani Clarin, 24 anyos sang Tanza Esperanza, Iloilo City.
Suno kay PO2 Jury Junio, traffic investigator sang Jaro Police Station, pakadto ang van sa direksyon nga pa-Ungka, Pavia sang naglikaw sa taxi nga nagliko.
Nagtabog gid sa guwa sang van ang driver nga nagresulta sang iya kamatayon. (JoMaque)