Iloilo City–Handa sa mga panghangkat sa kabuhi sa guwa sang Philippine Military Academy ang duha ka tumandok sang Sta. Barbara, Iloilo nga graduates sang PMA Alab Tala Class 2018.

Suno kay 2LT Ramil Sumague, indi na liwan sila ang mga pagtilaw sa kabuhi ilabe na ang mga panghangkat sa ila integridad sa tion nga magsulod na sila sa serbisyo. Apang nagapati siya nga sa mga natun-an niya nga disiplina sa PMA, makaserbisyo siya sa mga pumuluyo.

Luyag ni Sumague nga magsulod sa Philippine Army nga madugay na niya ginahandum sang bata pa siya.

Suno naman kay 2LT Cristy Ann Marterio,  may yara sila sang honor code sa PMA nga amu ang ila pagasundon sa pagsulod sa serbisyo.

Si Marterio ang magasulod sa Philippine Navy Marines kag luyag niya gamiton ang mga natun-an sa accountancy course agud makabulig sa finance department sang Armed Forces of the Philippines.

Sanday Marterio kag Sumague ang ka-batch ni 2LT Jaywardene Hontoria nga tumandok sang Balabag, Pavia kag class valedictorian. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply