Linibo ka mga deboto, bisita kag turista, ginapaabot nga magadagsa sa Balaan Bukid sa Huwebes kag Biernes Santo para sa tuigan nga Pagtaltal

Iloilo City — Linibo ka mga deboto, mga bisita kag turista ang ginapaabot nga mapadulong sa Balaan Bukid sa Huwebes kag Biernes Santo.

Nagapati si Coast Guard Iloilo Station Commander Rodolfo Dela Peña nga mas madamu pa ang magasaksi sang Pagtaltal sa Guimaras subong nga tuig.

Nagapanugyan ini sa mga pasahero sang pumpboats nga magkooperar sa mga otoridad, likawan ang pagdala sang mga hinganiban, bantayan ang pagkabutang kag ibilin ang mga bagay nga indi man kinahanglan nga dal-on.

Nagsapol ang coast guard sa mga barangay officials sang Ortiz kag mga Motor Banca operators nga nagabyahi Guimaras Iloilo vice versa para sa pagpatuman sang seguridad sa pantalan pakadtu sa Balaan Bukid.

May assistance desk man ang coast guard sa Parola kag Ortiz wharves para mag-address sa problema sang mga pasahero. (JoMaque)