BJMP personnel nga malutsan sang kontrabando, dapat may salabton man kon mapasar ang ordinansa nga nagahatag sang penalidad sa mga dalaw nga magpasulod sang cellphone sa presuhan
Iloilo City – Ireport ni Councilor Joshua Alim sa regular session buwas ang iya na-obserbahan sa ocular inspection sa BJMP female dormitory sa General Luna Street, City Proper kag BJMP Male Dormitory sa Ungka, Jaro.
Naghimo sang inspection si Alim, bilang chairman sang Committee on Police Matters and Public Safety, kasunod sang hingyo ni Jail Supt. Vicente Papelera, warden sang BJMP Ungka, nga magpasar sang ordinansa ang konseho agud kasuhan ang mga dalaw nga magpalusot sang cellphone sa jail facilities.
Na-obserbahan ni Alim nga tuman ka istrikto ang pag-check sa mga bisita gani palamangkutanon kon paano pa makasulod ang cellphone sa presuhan.
Kon madayon nga mapakasar sang ordinansa, iduso ni Alim nga dal-on man sa may salabton ang BJMP personnel nga malutsan sang kontrabando. (JoMaque)