5,000 ka mga pulis, ginpalapta sa Western Visayas sa Semana Santa
Iloilo City — Linibo ka mga police kag volunteers ang magapasiguro sang malinong kag matawhay nga pagdumdom sang Semana Santa sa Western Visayas.
Suno kay Police Regional Office (PRO) 6 Director Cesar Hawthorne Binag, 5,000 ka security forces ang ginpalapta sa nagkalain-lain nga areas sa rehiyon.
Magluwas sa mga police, ginabanta man sa 6,000 ang volunteers nga nagserbe augmentation force.
Gindeploy ang mga ini sa mga pampubliko nga lugar ilabe na sa mga seaports kag terminals.
Ginpangunahan ni Binag ang pag-inspeksyon sa mga terminals sang Miyerkules Santo agud mausisa ang ginapatuman nga security measures. (JoMaque)