Mga nagalabay sa SM Strata, delikado sa nagakalahulog nga debris bangud nagapadayon ang construction suno sa PSTMO Head
Iloilo City–Ginpadulungan sang Public Safety and Transportation Management Office ang SM Strata para kuntani sa inspection matapos nahulugan sang hook sang crane kag nautod gid ang tuo nga tiil sang 16-anyos nga si alyas Sam sang Bolilao, Mandurriao sang Sabado.
Apang wala ginpasugtan sang security guard sang SM City ang team ni Conlu nga magsaka sa ibabaw sang building.
May mga na-obserbahan nga deperensya si Conlu pareho sang pagpa-agi sa area bisan nagapadayon ang construction nga tuman ka delikado bangud sang nagakalahulog nga debris.
Natingala si Conlu nga ginguba ang hagdan sa overpass nga panaug sa service road kag sa baylo, diretso na sa Strata ang hagdan. Nakibot man si Conlu nga may mini terminal sa idalum sang building. (AGB)