Barangay kapitan sa Calinog, gintiro patay

Calinog, Iloilo–Patay ang punong barangay nga gintiro sa Barangay Carvasana, Calinog alas-11 kaina sang aga.

Ginkilala ang biktima kay Barangay Kapitan Eustaquio Porras sang Lonoy, Calinog nga napilasan sa dughan.

Sa inisyal nga imbestigasyon suno kay PSI Jose Nemias Pamplona, hepe sang Calinog MPS, nagapondo na sa lugar ang duha ka lalaki nga nagasakay sa motorsiklo kag sang naglabay si Porras, ila nga gintiro ang kapitan. Ginpahayag nga nakabalos pa tiro ang kapitan apang nakapalagyo ang mga suspek.

Narecover sa lugar ang empty shells sang kalibre 45 kag 9mm nga pusil.

Personal grudge ang isa sa mga motibo nga ginasunod sa pagpatay sa kapitan apang nagbalibad si Pamplona nga maghatag sang detalye. (AGB)