Camp Delgado, Iloilo City–Madugay nga nangin drug user si PO2 Stephen Magno tubtub nga na-engage sa pagbaligya sang illegal nga druga.

Suno kay Senior Inspector Kennith Bermejo, team leader sang Regional Drug Enforcement Unit, 2006 sang nagsugod sa paggamit sang illegal nga druga si Magno kag sang ulihi, nangin drug pusher na.

Makaduha ka beses nga naghimo sang test buy sang semana santa ang RDEU kay Magno antes ang buybust operation sa Barangay Calaparan, Arevalo kahapon.

Ginpahayag ni Bermejo nga ginpaidalum sadtu si Magno sa character aptitude development and enhancement training ukon CADET sa Campo Delgado agud magbag-o, ginrelieve kag gin-assign sa gate. Samtang naga-duty sa gate, nadakpan si Magno ni former PRO 6 Director Jose Gentiles nga nagadala sang indi lisensyado nga pusil.

Sa Negros Occidental nagakuha sang supply sang illegal drugs si Magno suno kay Bermejo kag ini ang naga-repack agud ibaligya.

Natalana pasakaan sang kaso si Magno matapos nakuhaan sang 35 ka sachets sang suspected shabu kahapon. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply