Inmate nga nakapalagyo sa BJMP Ungka, gilayon man nga nadakpan

Iloilo City–Nakapalagyo ang inmate sa BJMP Ungka paagi sa paglumpat sa pader sa likod sang presuha pasado alas-12 kaina sang hapon.

Suno kay Jail Supt. Vicente Papelera, warden sang BJMP Ungka, nadakpan man si Jeffrey Monserat sa follow-up operation sa lugar sini sa North Baluarte, Molo.

Ginrason suno kay Papelera sang inmate nga nalagyo siya bangud nahidlaw sa iya pamilya. Apang ginpahayag ni Papelera nga ginabisitahan man si Monserat sang iya iloy agud magdul-ong sang iya maintenance nga bulong.

Oktubre 2017 sang ginremit sa BJMP Ungka si Monserat nga may kaso nga robbery. (AGB)