IPPO Headquarters, Sta. Barbara, Iloilo–Miembro sang notoryus nga criminal syndicate nga Ilonggo Group ang ginpatay nga si Lonoy, Calinog Punong Barangay Eustaquio Porras.

Ginpahayag ni Iloilo Police Provincial Office Director PSSUPT Marlon Tayaba nga nangin kabahin siya sang team sang Regional Intelligence Division nga nag-operate sadtu grupo kag isa sa mga nadakpan si Porras nga may pending warrant of arrest sa illegal possession of firearms. Ginconfirmar suno sa iya ni Porras nga ka-grupo sini ang iban nga miembro sang Ilonggo group nga ginalagas sa Manila pareho ni Ronald Sarmiento.

Lakip sa mga aktibidad sang Ilonggo Group ang bank robberies, pawnshop robberies kag kidnap-for-ransom. Na-disband naman kag na-netralize sang anay Police Anti-Crime and Emergency Response ukon PACER unit ang grupo.

Sang nadakpan si Porras suno kay Tayaba, ginsugid sini ang ginapanaguan nga lugar sang iban pa nga miembro sang grupo gani mahapos nga na-locate sang mga pulis.

Apang gin-athag ni Tayaba nga wala sang koneksyon sa pagka-miembro sang Ilonggo Group ni Porras ang motibo sang pagpatay sa iya.    Nagaguwa sa imbestigasyon sang IPPO nga love triangle ang motibo sa krimen. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply