Aklan  — Mahatag sang bulig pinansyal ang gobyerno sa mga trabahador nga ma-apektuhan sang anum ka bulan nga pagsiradu sang Boracay agud i-rehabilitate.

Gin-anunsyar sang Malacañang suno kay ASEC Ricky Alegre sang Department of Tourism, nga nag-alokar ang gobyerno sang duha ka bilyon ka pesos nga calamity fund para ibulig sa mga maapektuhan sang closure sa Boracay. May proseso nga himuon ang inter-agency task force suno kay Alegre kon paano mahatagan sang bulig ang mga apektado.Apang gin-athag ni Alegre nga indi sakup sang financial aide ang mga establisemento nga may violations sa environmental laws.

Magahatag man ang Department of Labor and Employment sang trabaho sa may lima ka libo ka empleyado kag bayaran sila sang minimum wage sa sulod sang anum ka bulan.

Gina-engganyo sang presidente suno kay Alegre ang tanan nga stakeholders nga magbulig sa rehabilitasyon bangud para ini sa maayo nga pala-abuton sang isla.  Kumpiyansa ang inter-agency task force nga mas madamo nga turista ang maengganyo nga magbisita sa Boracay kon makita ang pagbag-o sa sistema sang serbisyo sa isla.

(ATT)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply