Iloilo City–Apektado ang sitwasyon sang trapiko sa Diversion Road bangud sang pag-istrikto sang SM City sang ila security measure sa mga salakyan nga pasulod sa parking area sang mall.

Gin-ako ni Public Safety and Transportation Management Office Head Jeck Conlu nga nakabaton siya sang mga reklamo bangud sa pagpugok sang trapiko sa atubang sang mall. Suno kay Conlu, ginrason sang mga guwardya sang SM City nga nagapatuman lang sila sang ma-id-id nga security measure sa ila mga customers kag wala na sang labot sa mga tawo sa guwa.

Wala sang kwestyun suno kay Conlu ang pag-implementar sang security measures apang dapat mag-coordinate ang SM City sa PSTMO agud makahimo man sang traffic scheme. Gin-athag pa ni Conlu nga indi tanan nga nagalabay sa atubang sang SM City ang nagasulod sa mall.

Plano ni Conlu nga magfile sang complaint sa City Council agud mapatawag ang management sang mall kag mapangayuan sang paathag. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply