Iloilo–Gina-engganyo sang Department of Agriculture 6 ang publiko nga magbakal sang bugas, ulutanon, prutas kag iban pa nga agricultural products paagi sa ila programa nga Tienda sa Parola kag Bugas Para sa Masa.

Suno kay Ms. Maria Theresa Solis, head sang Agri-Business sang DA 6, mas barato ang mga produkto nga ginabaligya sa gintumod nga mga programa bangud ang mga mangunguma ang nagabaligya. Direkta man nga nagasupply sa DA ang 24 ka rice processing centers sa rehiyon.

Ang Tienda sa Parola kag Bugas Para sa Masa nahamtang sa Parola, City Proper kag bukas kada Biernes, halin alas-8 sa aga tubtob alas-5 sa hapon magluwas lang kon holiday.

Pwede suno kay Solis nga makasulat sa director sang DA 6 ng mga punong barangay kon luyag nila nga maka-avail man ang ila barangay sang programa. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply